الهي انت المطَلب وانت السميع انت البصير
انت الذي بيدينك ابواب القدر وقفولها
اثني عليك من الثنا واحمدك بالحمد الكثير
واعدد افضالك عليَ ولاقدرت اطولها
عطيتني واوفيتني وارهيتني من كل خير
وحطيت في يمناي مرجان البحور ولولها
تلاقت القطبين في منحى المدار المستدير
وتهاوت النجمين بشهوبٍ تجر ذيولها
الموت من براقةٍ تبصر بها عين الضرير
ولاُ سنا شراقةٍ تظهر علي واقولها
ويصير شيٍ ماهقيت انه على الدنيا يصير
ويقال ابن مركوز ميّلها وحد ميولها
وانا لو الدعوا على الفلاّت والسلك الحرير
والله لاجيب السالفه بيدينها ورجولها
لكنّ دعوانا على اليوم العبوس القمطرير
يومٍ صناديد الرجال تعنّ فيه خيولها
قلته وانا من لابةٍ حمّايةٍ للمستجير
هواجرٍ تحسب على عرض قحطان وطولها
لاجا نهارٍ فيه عج الخيل وصياح النذير
تشوف شين فعولها وتشوف زين دلولها
واليوم ذا يوم القنا والحرب والسيف الشطير
ناسٍ ترز اعلامها وناسٍ تدق طبولها
اما يوّقف صامل الرجال فاليوم الكبير
ولاّ يبطّل والحمايا لايشل سمولها
الكاتب : خالد الهاجرى || عدد الزوار : (204) || طباعة الموضوع
|
