ياهبوب الخير هبّي على دار الصباح
وأمطري يامزنة العز فوق هضابها
الولا لله والدار والقائد صباح
وغيرها لو نجرع الموت ما نرضا بها
بعد ربّي عزنا بالرجال وبالسلاح
والمنيّه علمها بالسما وأسبابها
أسألوا التاريخ وأقروا سجلاّت الكفاح
عن هل الديره وحكامها وترابها
كلنا في صف واحد ليا زاد الصياح
السيوف مجرّده باليدين انصابها
من نوى بالشّر نسقيه من سمٍ ذحاح
لين يرجع خايب بنيّته وحسابها
المجامل راح وقته وحسن الظن راح
وأقطع الله دابر الفتنة ومن جابها
ما علينا امن العصابات وأعداء النجاح
ولا فلول البعث وازلامها واذنابها
زمرةٍ في شرعها دم كل مسلم مباح
دام فكره ما يوافق لفكر اصحابها
من سبايب جورهم كل بيتٍ به نياح
والسجون مشرّعه للضعوف ابوابها
نحمد الله يوم حكامنا ساس الصلاح
أسرةٍ ربّي زرع حبها بأحبابها
الله اكبر الله أكبر وحيا للفلاح
كلنا عين الوطن ونورها واهدابها
الكاتب : محسن المحيلبي || عدد الزوار : (207) || طباعة الموضوع
|
